Tilkynning vegna skráninga í ferðir 2026
Kæru félagar
Það hefur verið líf og fjör í skráningunni í Fjallabaksferðina! Þar sem við erum ekki með formlegt bókunarkerfi fylltist ferðin hratt og því komust færri að en vildu. Sætum er úthlutað eftir tímasetningu tölvupósta, og í lok vikunnar fá allir svar:
- Þau sem komast með fá tölvubréf með upplýsingum um greiðslu óafturkræfs skráningargjalds (8.000 kr.)
- Aðrir fá bréf sem hefst á orðunum „Því miður…“ og fara á biðlista í tímaröð skráninga
Austfjarðaferðin – laus sæti!
Skráning í Austfjarðaferðina gekk ekki sem skyldi vegna rangrar slóðar í skráningarformi. Við biðjumst velvirðingar á því og þökkum öllum sem bentu okkur á mistökin.
Góðu fréttirnar eru að mörg sæti eru enn laus, svo nú er kjörið tækifæri til að tryggja sér ferð um hið fagra Austurland: https://www.tannitravel.is/fke2026
Stokkhólmsferð – síðustu sætin!
Göngugarparnir – nýjar upplýsingar á heimasíðunni
Upplýsingar um mánudagsgöngur Göngugarpanna birtast nú á viðburðadagatali á heimasíðu félagsins. Yfirleitt ættuð þið að geta séð upplýsingar um næstu göngu á laugardegi eða sunnudegi.
Göngurnar eru einnig auglýstar á Facebook-síðunni okkar: Félag kennara á eftirlaunum (FKE). Ef þið eruð ekki í hópnum, biðjið einhvern sem þið þekkið að bæta ykkur inn.
Eins verður póstur sendur á þá félagsmenn sem þess óska og hafa skráð sig á póstlista Göngugarpanna, en skráningareyðublað er á heimasíðu félagsins á slóðinni https://fke.is/gonguhopur-fke